Todas esas características persoais miñas vense reflectidas en min. Escoito de forma activa, empática, comprensiva e sen xulgar. Emprego o enfoque terapéutico máis baseado na evidencia científica, o cognitivo-condutual. Reflexiono e promovo a reflexión nos meus pacientes razoando sobre as cuestións que traen á miña consulta. Intento sempre xerar confianza para establecer un bo vínculo terapéutico que axude a alcanzar obxectivos a través da psicoterapia. Independentemente de que os que aquí veñen se sintan a gusto, non descoido o que para min é o principal: a eficacia. Utilizo tests e outros instrumentos obxectivos de medida, non só nunha avaliación inicial senón tamén, para comprobar que a psicoterapia vai polo bo camiño e ao final do proceso. A pesar de levar nisto moitos anos ségueme causando moita satisfacción ao ver como os meus pacientes melloran.

Apaixóname a miña profesión, iso facilita a implicación coas persoas, a responsabilidade profesional, o sentido da ética, fai que todo sexa máis fácil, que rode mellor e que se reflicta en bos resultados.

Estou ao día en novos avances no ámbito da psicoterapia para poder optimizar a miña atención psicolóxica. Cunha moi extensa formación complementaria en psicoloxía clínica dende 1992 ata agora a través de congresos e cursos específicos en materias diversas. Isto permíteme estender recursos e ideas para as miñas terapias. Tamén impartín formación en numerosas ocasións dende a universidade e outros ámbitos. Pero a miña vocación real sempre foi a psicoterapia e niso me centrei os últimos anos, sen distraccións, para poder dar a mellor atención á xente que acude á miña consulta para buscar solucións aos seus problemas.